學員: N25967J 六個月減重 10.7kg 減脂脂肪 10.9kg 體脂率 37.5%-->26.5%

出嚟做嘢之後，因為經常外食、作息唔定時，加上坐得多，慢慢發現自己愈嚟愈重，肚腩亦愈來愈明顯。當時覺得自己仲後生，所以一心諗住做Gym減肥，點知愈做愈覺得自己好似愈嚟愈大隻，體重又冇乜變化，開始懷疑自己究竟係咪用錯方法。

直到有一日，媽咪見到營美健嘅21日減重計劃。之前佢都有食過營美健嘅產品，覺得健康控卡餐方便又好味，唔使日日煩惱點樣配搭飲食，所以提議我哋一齊參加。

媽咪本身體重基數唔大，只係參加一個月計劃，就已經成功達到目標。而我就希望唔單止減體重，更重要係將體脂率減返去符合自己年紀嘅健康水平，所以決定繼續跟住營養師嘅建議。

最初主要都係食營美健嘅健康控卡餐，真係方便好多，返工帶飯或者屋企加熱幾分鐘就食得，媽咪都唔使日日煩惱點樣幫我準備減肥餐，我自己亦可以輕鬆跟到。

去到第二階段，我以為會繼續食控卡餐，點知營養師Eli反而鼓勵我多啲出去食飯。當時我仲覺得好奇怪，但Eli話，如果一世都只靠減肥餐，將來恢復正常生活好容易反彈。真正嘅減肥，係要學識喺茶餐廳、餐廳、聚會之中都識得點樣選擇食物，同朋友聚餐都可以做到飲食平衡，咁先係一世都維持到嘅生活方式。

除咗飲食之外，Eli亦根據我嘅身體組成分析，幫我設計Gym重訓計劃。以前我一直以為減肥就係不停做帶氧，但原來真正想減脂，就一定要保留肌肉。Eli一路幫我調整訓練內容，希望做到「減脂不減肌」。佢話肌肉量增加，可以提高每日基礎熱量消耗，長遠先真正提升新陳代謝，亦唔容易反彈。

最重要嘅一課，就係學識「有借有還」。聚會想食好啲、偶爾食大餐，其實完全冇問題，只要懂得之後點樣平衡返飲食同運動，就唔需要因為一次放縱而放棄整個計劃。

最後，我成功由65.8kg減至55.1kg，減走10.7kg；體脂更由24.7kg下降至14.6kg，減少10.1kg，體脂率由37.5%下降至26.5%，內臟脂肪亦由6級改善至2級，而肌肉量幾乎完全保留。

今次最大收穫唔係瘦咗10kg，而係學識咗一套可以跟住一世嘅飲食同生活方式。真正持久嘅減肥，唔係靠死忍、靠意志力，而係將健康飲食、運動同社交生活融入日常，咁先可以真正做到唔反彈。