最初參加減重計劃時，其實冇諗過要變肌肉男，更加冇諗過會影寫真集。

當時嘅目標好簡單，只係希望瘦少少，睇落精神啲，符合自己年紀應有嘅身形就已經滿足。畢竟體重一路增加，肚腩愈來愈明顯，影相都開始唔太想企前面，但一直以為男仔上咗年紀有少少肚腩都好正常。

最鍾意營美健嘅地方，係唔使自己煩惱每日食乜。作為一個唔識煮飯又怕麻煩嘅人，健康控卡餐方便又好味，營養師亦會根據我嘅身體狀況及目標調整餐單，令我可以專心執行，唔需要自己亂試各種減肥方法。

隨住體重慢慢下降，身形開始出現變化，我對自己愈來愈有信心。當見到脂肪不斷下降、肌肉線條開始浮現時，我開始有一個更大膽嘅想法——希望有朝一日可以擁有腹肌，甚至影一輯屬於自己嘅寫真集。

知道我有呢個目標後，營養師Eli除咗幫我設計飲食餐單外，仲特別根據我嘅體脂率、肌肉量同進度，幫我安排重訓及體態塑造計劃，逐步提升肌肉比例，同時繼續降低體脂。

由最初只想瘦少少，到後來開始追求線條，整個過程令我學識原來減肥唔係單純睇體重數字，而係改善體脂比例同身體組成。

最終體重由79.6kg下降至61kg，成功減去18.6kg；脂肪更減少19.1kg，內臟脂肪由14級下降至5級，而最令我難以置信嘅，係體脂率由31.3%一路下降至只有9.5%。

以前覺得腹肌只係健身網紅先會有，從來冇諗過自己都可以做到。今日再睇返以前嘅照片，最大改變唔單止係外表，而係對自己嘅信心。

原來只要有正確方法、專業指導同願意堅持，每個人都可以成為更好版本嘅自己。